Музей гісторыі Магілёва спадзяецца на дапамогу гараджан у набыцці гісторыка-культурных каштоўнасцяў

2013-03-14

Музей гісторыі Магілёва не спыняе пошук гісторыка-культурных каштоўнасцяў, якія б маглі стаць часткай экспазіцыі. Як падкрэсліў на ўрачыстым сходзе па выніках працы сферы культуры Магілёва ў 2012 годзе дырэктар музея Аляксей Бацюкоў, набыццё каштоўных прадметаў, занясенне іх у фонды і электронны каталог Рэспублікі Беларусь з’язляецца адной з самых важных задач. У гэтым годзе ёсць магчымасць набыць вельмі каштоўныя экспанаты: фрагмент Бібліі Францыска Скарыны 1518 г. і кнігу «Апостал» знакамітага магілёўскага друкара Спірыдона Собаля.

З дапамогай мецэнатаў і гараджан, мясцовай улады, уласных сродкаў музея экспазіцыя ўжо папоўнілася такімі каштоўнасцямі, як Статут ВКЛ 1588 г., «Вялікае мастацтва артылерыі» Семяновіча, «Часоўнік» 1773 г., Камергерскі ключ Станіслава Аўгуста Панятоўскага і інш.. Зараз магілёўцы могуць ізноў стаць часткай гісторый свайго горада, напісаць яе сваімі рукамі — ахвяраваць грошы на пакупку рарытэтаў.

Фрагмант Бібліі, перакладзенай і выдадзенай Францыскам Скарынай у Празе ў 1518 г. («Кніга Царстваў»), знаходзіцца ў Еўрасаюзе. Каштуе рарытэт каля 9 тыс. даляраў. Калі фрагмент апынецца ў экспазіцыі музея гісторыі Магілёва, то наш горад стане другім у рэспубліке ўладальнікам часткі працы самога Скарыны. Па сутнасці, гэты фрагмент, так званы біфоліум, — толькі некалькі старонак. Але знаходкі падобнага кшталту, нават калі гэта ўсяго толькі фрагмент, — найвялікшая рэдкасць.

Кніга «Апостал», выдадзеная Спірыдонам Собалем у Куцейне ў 1632 г., таксама знаходзіцца зараз на тэрыторыі Еўрасаюза. Каштуе праца знакамітага магілёўскага друкара каля 10 тыс. даляраў. «На гэты момант на радзіме Собаля адсутнічаюць яго выданні, — кажа Аляксей Бацюкоў. — Кнігі магілёўскага друкара маюць першачарговае значэнне для горада».

Цягнуць час у справе выкупу гісторыка-культурных каштоўнасцяў нельга. Яны знаходзяцца ў свабодным продажы, таму магчыма, што іх набудуць іншыя арганізацыямі ці прыватныя асобы. Паміж тым, трэба разумець, што фрагмент Бібліі Скарыны і «Апостал» магілёўца Скарыны маюць выключнае значэнне для нацыянальнай спадчыны.

Усе ахвотныя дапамагчы музею ў набыцці гэтых прадметаў могуць зрабіць грашовы перавод на дабрачынны рахунак музея з указаннем мэты пераводу.

УК «Музей гісторыі Магілёва»

212030 г. Магілёў, вул. Ленінская, 1 А, тэл. 22-99-46

УНП 790203960

Філіял 700 МОУ ААТ «АСБ Беларусбанк» МФО 153801536

р/з 3642014673147

г. Магілёў, вул. Першамайская, 71

Дырэктар Бацюкоў Аляксей Мікалаевіч дзейнічае на падставе Статуту

Ў прызначэнні плацяжу паказваць: «На развіццё музейнай справы і ахову гісторыка-культурнай спадчыны.»

Ахвяраванні можна пералічыць таксама і на электронныя кашалькі:

WebMoney

У далярах ЗША : Z116082323771

У еўра: E383254056071

У расійскіх рублях: R360165731291

У беларускіх рублях: B397362066338

EasyPay

У беларускіх рублях: № 32752117

Анжаліка Васілеўская