Вас вiтае Магілёў!

2012-09-05

Пры ўездзе ў Магiлёў з`явiўся новы знак. Велічны прывiтальны сiмвал старажытнага беларускага горада будзе сустракаць гасцей з мiнскага напрамку, у тым лiку i ўдзельнiкаў рэспублiканскага свята працаўнiкоў сельскай гаспадаркi ў Горках «Дажынкi-2012». Cтала вядома дата правядзення свята — яно пройдзе ў гэтым годзе 14-15 верасня.

Да свята рыхтуюцца не толькi Горкi, дзе з`явіцца больш за 90 новых i абноўленых сацыяльных i вытворчых аб`ектаў, але i ўся Магiлёўшчына. Наводзiцца парадак на дарогах i ў населеных пунктах, на тым жа мінскiм напрамку дарогi з`явілiся арыгiнальныя саламяныя прывiтальныя сiмвалы ўдзельнiкам «Дажынак». Плакаты, расцяжкi нагадваюць пра свята i ў Магілёве. Работнiкi гандлю абласнога цэнтра рыхтуюцца да кiрмашу на «Дажынках», Магiлёў аказвае дапамогу Горкам транспартам, працоўнай сiлай... Уся Магілёўшчына сёння жыве «Дажынкамi», i ўсе дарогi Беларусі зараз скiраваны на Горкi, дзе будуць услаўляць працаўнiкоў вёскi.

Газета «Веснiк Магiлёва»
Фота Валерыя СаЎчанкi