У Магілёве 19 сакавіка пройдуць XIV «Пысінскія чытанні»

2025-03-18

У Магілёўскай абласной бібліятэцы імя У.І. Леніна 19 сакавіка пройдуць XIV «Пысінскія чытанні».

У праграме навукова-практычнай канференцыі: «Рэквіем, перапынены тройчы» (да 105-годдзя з дня нараджэння паэта-франтавіка А.В. Пысіна), «Яны дайшлі да Берліна» (магілёўскія пісьменнікі на франтах Другой сусветнай вайны), «Вернасць праўдзе» (прэзентацыя віртуальнага музея народнага пісьменніка Беларусі Івана Чыгрынава), «Зберагаем паэтычныя традыцыі» (з вопыту работы па літаратурным краязнаўстве ЦБС Краснапольскага раёна), прэзентацыя зборніка В.І. Арцем’ева «Як на споведзі ў храме» (памяці пісьменніка), знаёмства з творчасцю бранскага паэта-франтавіка Іллі Швеца.
Аб дзейнасці Магілёўскага абласнога аддзялення грамадскага аб’яднання «Саюз пісьменнікаў Беларусі» па патрыятычным выхаванні моладзі распавядзе старшыня Магілёўскага абласнога аддзялення грамадскага аб’яднання «Саюз пісьменнікаў Беларусі» Алесь Казека.

Пачатак мерапрыемства ў 10:00.

mogilevnews.by