Беларуская мова ў дзiцячым садку

2016-11-09

Каб нашы дзеці з ранняга дзяцінства ведалі і шанавалі традыцыі і культуру роднага краю, каб часцей гучала родная мова, у дзiцячым садку № 109 кожны чацвер праводзiцца дзень беларускага маўлення.

У гэты дзень усе размаўляюць па-беларуску, з кожнага кутка гучыць родная мова.

У Беларускай хатцы выхавацелi знаёмяць хлопчыкаў i дзяўчынак з жыццём беларускага народа, яго бытам. Найбольшую цiкавасць у выхаванцаў выклiкаюць вырабы з глiны, саломы, ільну.

Раскрыць дашкольнiкам прыгажосць роднай мовы дапамагаюць часопiсы, кнiгi на беларускай мове. Дзецi з задавальненнем слухаюць апавяданнi, казкi, вучаць вершы, прыказкi, спяваюць песнi, узбагачаюць слоўнiкавы запас.

Балахонава С.A., намеснік загадчыка
па асноўнай дзейнасці ДУА «Яслі-сад № 109 г.Магілёва»