«Каляда ў госці да нас прыйшла»

2017-01-12

У дзяржаўнай установе адукацыі «Яслі-сад № 43 г. Магiлёва» стала ўжо традыцыяй праводзіць фальклорныя святы.

У рамках далучэння дашкольнікаў да вытокаў народнай творчасці, з мэтай знаёмства дзяцей з культурнымі традыцыямі і абрадамі беларускага народа былі падрыхтаваны і праведзены калядкі.

Добры эмацыянальны настрой падаравалі дзецям «пераапранутыя» супрацоўнікі дзіцячага садка, якія разыгралі сапраўдны спектакль. З захапленнем сустрэлі выхаванцы цыгана з канём, вясёлага мядзведзя з павадыром, упартую казу. Усе спявалі разам калядныя песні з пажаданнямі багацця, дабра, здароўя, добрага ўраджаю і дабрабыту, гулялі ў гульні. Дзеці атрымалі масу радасных уражанняў.

Намеснiк па асноўнай дзейнасцi
Борыкава Н.У.