Я ведаю!

2018-03-12

Штотыдзень ва ўстанове адукацыі «Сярэдняя школа № 26 г.Магілёва» ладзяцца беларускамоўныя чацвяргі.

Разнастайныя па форме і змесце, яны абуджаюць у нашых вучняў цікавасць да роднай мовы. У чарговы чацвер вучні сёмых класаў сабраліся ў кабінеце беларускай мовы і літаратуры, каб прадэманстраваць свае веды па беларускай мове, літаратуры, гісторыі, геаграфіі ў інтэлектуальнай гульні «Я ведаю!».

Інтэлектуальная гульня «Я ведаю!», якую праводзіла Супіталёва Ніна Канстанцінаўна, выклікала шмат цікавасці ў дзяцей. Кожны вучань змог адчуць сябе сапраўдным лінгвістам. Удзельнікі размаўлялі на роднай мове, развівалі кемлівасць, адказвалі на пытанні, пераходзячы з аднаго тура ў другі. Мерапрыемства дапамагло дзецям пашырыць свае веды па беларускай лексіцы, гісторыі і геаграфіі Беларусі.