Далучэнне да беларускай мовы праз тэатр

2018-03-14

У дзяржаўнай установе адукацыі "Яслі-сад № 67 г.Магілёва" быў арганізаваны агляд-конкурс тэатральных куткоў.

Мэта - стварэнне аптымальных умоў для развіцця творчай актыўнасці дзяцей, развіццё беларускай мовы ў тэатралізаванай дзейнасці. У конкурсе прынялі ўдзел усе групы дашкольнай установы. Тэатральныя куткі былі эстэтычна аформлены, папоўнены разнастайнымі відамі тэатраў: пальчыкавы, на фланелеграфе, тэатр ценяў і іншыя. Актыўны ўдзел у вырабе дэкарацый, атрыбутаў прынялі выхаванцы і законныя прадстаўнікі.

Сродкамі тэатральнай дзейнасці педагогі далучаюць выхаванцаў да беларускага фальклору, знаёмяць з рознымі відамі тэатраў, народнай творчасцю. Iнсцэніроўка і тэатралізацыя беларускіх народных казак дапамагае выхаванцам асэнсаваць народныя традыцыі нашай краіны.

Цiмкова Таццяна Іванаўна,
намеснік загадчыка па асноўнай дзейнасці