Чытаем беларускую кнігу

2013-12-17

Цяжка знайсці найбольш каштоўны матэрыял для фарміравання нацыянальнага сумлення дзяцей, узбагачэння іх маўлення, чым знаёмства з беларускімі фальклорнымі і літаратурнымі творамі: прыказкамі, прымаўкамі, пацешкамі, песнямі, хараводамі, казкамі і апавяданнямі. Па традыцыі ў дзяржаўнай установе адукацыі «Яслі-сад № 87 г. Магілёва» праходзяць розныя фальклорныя святы. Нашы дзеці з задавальненнем удзельнічаюць у інсцэніроўках паводле казак і вершаў на роднай мове. А найбольш важным напрамкам у нашай рабоце з’яўляецца цеснае супрацоўніцтва з бацькамі нашых выхаванцаў. Вось яны і прынялі ўдзел у выставе работ «Чытаем беларускую кнігу».

Бацькі разам з дзецьмі былі аўтарамі і ілюстратарамі сваёй кнігі.

У малодшых группах — вершы, забаўлянкі, у старэйшых — казкі, загадкі. Далей дзеці з задавальненнем будуць перачытваць гэтыя творы не толькі ў сваёй групе, але і наведаюцца з імi да малодшых дзяцей. Бо кнігі, зробленыя самімі рукамі, найбольш цікавыя і каштоўныя.

Гэта работа прыносіць плённы вынік: дзеці знаёмяцца з народнай музыкай, песнямі, казкамі і вершамі, у іх абуджаецца цікавасць да культурнай і гістарычнай спадчыны беларусаў, патрэбы выкарыстоўваць беларускую мову ў розных абставінах жыцця.

І.У.Савіцкая, намеснік загадчыка
па асноўнай дзейнасці я/с № 87