Сустрэча з калегамі

2014-01-03

27 снежня 2013 года на базе дзяржаўнай установы адукацыі «Сярэдняя школа № 33 г.Магілёва» адбылася прэзентацыя кабінета беларускай мовы і літаратуры, які заняў першае месца на раённым і гарадскім этапах конкурса кабінетаў беларускай мовы і літаратуры ў красавіку 2013 года, а таксама быў прадстаўлены на выставе «Метадычная скарбонка» падчас святкавання Дня пісьменства і друку ў горадзе Быхаве.

Гасцей — а гэта былі настаўнікі беларускай мовы і літаратуры ўстаноў адукацыі Кастрычніцкага раёна — сардэчна сустракалі намеснік дырэктара па вучэбнай рабоце Таццяна Рыгораўна Алдашова, выкладчыкі Галіна Якаўлеўна Князева, Людміла Валер’еўна Селіфонтава, Наталля Мікалаеўна Храбрая.

Прэзентацыя пачалася са знаёмства з дзейнасцю кабінета і метадычнага аб’яднання. Далей настаўнікі падзяліліся вопытам работы па апрабацыі і ўкараненні сучасных адукацыйных тэхналогій, прадэманстравалі дыдактычныя, наглядныя, навучальныя дапаможнікі, матэрыялы па падрыхтоўцы да алімпіяд, экзаменаў, цэнтралізаванага тэсціравання, справаздачы па пазакласнай рабоце, творчыя работы вучняў, этнаграфічныя экспанаты.

Закончылася сустрэча экскурсіяй па школе, якую правяла намеснік дырэктара Таццяна Рыгораўна Алдашова. Шмат шчырых слоў падзякі прагучала ў адрас адміністрацыі і калектыва ўстановы адукацыі з вуснаў метадыстаў аддзела адукацыі, спорту і турызму Кастрычніцкага раёна Святланы Яўгеньеўны Міхайлавай і Наталлі Аляксандраўны Катусёвай.

Кіраўнік метадычнага аб’яднання настаўнікаў беларускай мовы і літаратуры
Л.В. Селіфонтава