Каляда ў дзіцячым садку

2014-01-11

На пачатку снежня ў дзяржаўнай установе адукацыі «Спецыяльны дзiцячы сад № 20 г. Магілёва» адбылося фальклорнае свята "Каляда«.У госцi ў хату да Гаспадынi завiталi калядоўшчыкі. Гаспадыня частавала iх кашай-куццёй, прысмакамi, а калядоўшчыкi вадзiлi карагоды, спявалi, скакалi, гулялi ў народныя гульнi, жадалi шчодрага ўраджаю, здароўя, дабрабыту.

Не абышлося свята без галоўных дзеючых асоб: Каляды з руплiвай Казой, Цыганкi з Мядзведзем.

Прыемным дапаўненнем да свята сталi падарункi, якiя прывезлi нямецкiя госцi сумесна з благачыннай арганiзацыяй «Благо».
Шмат добрых уражанняў ад свята, станоўчых пачуццяў атрымалi не толькi дзецi, але i дарослыя. На свяце панавалi смех, гумар, вясёлы насторой. Замежныя госцi прынялi актыўны ўдзел у фальклорным свяце.

Вельмi прыемна, што менавiта ў год гасцiннасцi, наш дзiцячы садок шчыра расчынiў дзверы для шаноўных гасцей. Як кажуць у народзе: «Як пачнеш год, так яго i скончыш».

Загадчык ДУА «Спецыяльны
дзiцячы сад № 20 г. Магілёва»
Т.I. Мiлачкiна