Гадаваць патрыётаў

2021-03-18

Адзін з прыярытэтных напрамкаў, якому дзяржаўная ўстанова адукацыі «Яслі-сад № 50 г.Магілёва» надае першараднае значэнне ў працы — гэта фарміраванне нацыянальнай самасвядомасці выхаванцаў.

У рамках доўгатэрміновага адукацыйнага праекту «Адраджэнне традыцый: беларуская хатка», мы з выхаванцамі працягваем фармаваць цікавасць да гісторыі, традыцый і побыту беларускага народа.

Выхаванцы першых і другіх малодшых груп у спецыяльна арганізаванай партнёрскай дзейнасці сумесна з бацькамі стваралі ілюстрацыі да беларускіх народных казак і пацешак. Дзеці сярэдніх і старэйшай групы сталі актыўнымі ўдзельнікамі народных святаў і абрадаў, з задавальненнем слухалі беларускія мелодыі, выконвалі песні, народныя танцы, гулялі ў беларускія народныя гульні. Выхаванцы ўсіх груп разам з бацькамі з цікавасцю стваралі музейную экспазіцыю «Беларуская хатка».

Дыдактычныя і сюжэтна — ролевыя гульні («Упрыгожым ляльцы хату ды святая», «У гасцях у Янкі і Паўлінкі»), чытанне і інсцэніроўкі твораў беларускіх пісьменнікаў, экскурсіі ў міні-музей на выставы і экспазіцыі («Народныя майстры Беларусі», «Знаёмства з працай Ганчара», «Прыродныя сімвалы Беларусі», «Людзі, Якія праславілі Беларусь») — усе гэтыя мерапрыемствы сталі яшчэ адной прыступкай уверх на шляху станаўлення юных патрыётаў нашай краіны.

Алена Валянцiнаўна Бекасова,
загадчык дзяржаўнай установай адукацыі
«Яслі-сад № 50 г. Магілёва»