Раённы семінар-практыкум

2014-05-02

21 красавіка 2014 года на базе дзяржаўнай установы адукацыі «Сярэдняя школа № 35 г.Магілёва» адбыўся раённы семінар-практыкум настаўнікаў беларускай мовы і літаратуры. Асноўнай тэмай семінара стала «Методыка выкладання складаных тэм прадмета „Беларуская мова“. Падрыхтоўка вучняў да ЦТ».

Спачатку кіраўнік метадычнага аб’яднання настаўнікаў беларускай мовы і літаратуры СШ № 35 Грыгор’ева І.Я. паведаміла аб выкарыстанні эфектыўных метадаў і прыёмаў выкладання складаных тэм прадмета «Беларуская мова», падрыхтоўцы вучняў да ЦТ. Настаўніца Цалабёнак С.Я. падзялілася ўласным вопытам выкладання тэмы «Словаўтварэнне і марфеміка». Вучні 9 класа разам з настаўніцай Несцяровіч А.У. запрасілі гасцей на ўрок беларускай мовы «Сказы з ускоснай мовай». Пасля абмеркавання вучэбна-метадычных пытанняў семінара выступіла метадыст раённага аддзела адукацыі, спорту і турызму Аліноўская А.В. У сваім выступленні яна прааналізавала вынікі алімпіяднага руху ў раёне ў 2013-2014г., звярнула ўвагу настаўнікаў на арганізацыю і правядзенне выпускных экзаменаў у 9-х і 11-х класах, нормы ацэньвання экзаменацыйных работ па прадмеце «Беларуская мова».

Грыгор’ева І.Я.,
кіраўнік метадычнага аб’яднанння настаўнікаў
беларускай мовы і літаратуры
ДУА «Сярэдняя школа № 35 г.Магілёва»