Купальскі квэст «Папараць-кветка»

07.07.2021

Беларускія народныя гульні, песні, загадкі, карагоды і дрэва жаданняў — гэта далёка не поўны пералік зместу купальскага квэсту «Папараць-кветка», які адбыўся 7 ліпеня 2021 г. ў дзяржаўнай установе дашкольнай адукацыі «Дашкольны цэнтр развіцця дзіцяці № 8 г.Магілева» у рамках святкавання Івана Купалы.

Каларыт і самабытнасць святу надавалі рознакаляровыя вянкі, беларускія народныя спевы і танцы. Педагогі і выхаванцы сталі ўдзельнікамі неверагоднай казачнай прыгоды, ключавым момантам якой быў пошук папараць-кветкі, а таксама ўдзельнікаў свята чакала сустрэча з прыгажуняй — Купалінкай. Дзеці пазнаёміліся са старажытнымі традыцыямі беларускага народа, даведаліся шмат цікавага аб раслінах, загадалі свае патаенныя жаданні, сімвалічна завязаўшы яскравую стужку на чароўнае дрэва, а таксама праявілі спрыт у час скачкоў праз імправізаванае «вогнішча». Уражанні ад мерапрыемства выхаванцы перадавалі у свіх малюнках.

Беларускія народныя святы — гэта частка гісторыі роднага народу, з якой дзяцей трэба знаёміць з самага ранняга ўзросту. Сапраўднае багацце народа — гэта яго традыцыі, наша задача зберагчы іх і перадаць нашым нашчадкам.

Ірына Леанідаўна Загорская, намеснік загадчыка па асноўнай дзейнасці
дзяржаўнай установы дашкольнай адукацыі «Дашкольны цэнтр развіцця дзіцяці № 8 г.Магілева»