Гучыць матчына слова

2014-09-09

4 верасня ў нашай краіне адзначаецца Дзень беларускага пісьменства і друку.
У 2014 годзе гэта свята гасцінна запрашае да сябе адзін з найпрыгажэйшых гарадоў Мінскай вобласці — Заслаўе.
Традыцыйна Дзень беларускага пісьменства і друку святкуецца і ў нашай школе.

Пяцікласнікі наведвалі выставу кніг «Праз смугу стагоддзяў...», а вучні 6-8 класаў удзельнічалі ў чытацкай канферэнцыі «Кніга — сябар і дарадца».

Старшакласнікі з задавальненнем наведалі літаратурную гасцёўню «Гучыць матчына слова». Усе вучні з натхненнем падарожнічалі па святой беларускай зямлі, якая нарадзіла таленавітых песняроў, што праславілі нашу Беларусь на ўвесь свет.

Петрачэнка Валянціна Сяргееўна,
настаўніца беларускай мовы і літаратуры
ДУА «Сярэдняя школа № 31 г. Магілёва»