Тыдзень беларускай мовы і літаратуры

2015-01-08

Напрыканцы снежня ў дзяржаўнай установе адукацыі «Сярэдняя школа № 1 г. Магілёва» прайшоў тыдзень беларускай мовы і літаратуры. Амаль усе вучні прынялі актыўны ўдзел у правядзенні тыдня. Былі арганізаваны выставы малюнкаў да твораў, а таксама выставы «Мой радавод», «Мой чароўны кут». Кожны клас прыняў удзел у конкурсе насценных газет, прысвечаных творчасці пісьменнікаў.

На працягу тыдня праводзіліся музычныя перапынкі, літаратурныя хвілінкі «Размаўляю па-беларуску».
Настаўнікамі праведзены пазакласныя мерапрыемствы «У свеце казак», «Каляды», літаратурныя гульні «Пазнай героя», «Падарожжа па краіне «Фразеалогія». Напрыканцы тыдня быў праведзены конкурс чытальнікаў. Пераможцы былі ўзнагароджаны памятнымі падарункамі і граматамі.

Сільвестрава Ж.У.,
настаўнік беларускай мовы і літаратуры,
кіраўнік МА