Каляда! Каляда!

2015-01-20

У дзяржаўнай установе адукацыі «Яслі-сад № 99 г. Магілёва» ўдзяляецца ўвага фарміраванню ў выхаванцаў каштоўнасных адносін да беларускай мовы праз выкарыстанне традыцый беларускага народа. Таму для дзяцей дашкольнага ўзросту была арганізавана музычная забава «Каляда! Каляда!».

Спачатку вядучая расказала дзецям, як раней нашы продкі святкавалі Каляды, якія песні спявалі, як рыхтаваліся да прыходу калядоўшчыкаў. Потым дзеці апынуліся ў хаце дзеда Лявона і бабулі Лявоніхі і сталі сапраўднымі ўдзельнікамі свята. У госці да Лявона і Лявоніхі прыходзілі калядоўшчыкі з Казой і Мядзведзем, Цыган і Цыганка, яны гулялі з дзецьмі, спявалі песні, жадалі гаспадарам здароўя, дабрабыту і багатага ўраджаю.

Намеснік загадчыка па асноўнай дзейнасці
Скарабагатая С.П.