Гімн роднай мове!

2015-03-06

«Матчына, роднае, глыбіннае, роднае слова... Яно не віцвіла на вятрах вякоў!» — словы беларускага паэта Анатоля Вялюгіна сталі лейтматывам літаратурна-музычнай кампазіцыі «Гімн роднай мове», якая адбылася ў сценах дзяржаўнай установы адукацыі «Сярэдняя школа № 31 г. Магілева» 5 сакавіка 2015 года з мэтай папулярызацыі роднай мовы, патрыятычнага выхавання падлеткаў.

Свята сабрала ва ўтульнай актавай зале школы тых, хто любіць мілагучнасць гучання роднай мовы, тых, хто па-сапраўднаму захапляецца мовай сваіх бацькоў.

Вядучыя з імпэтам чыталі вершы, прысвечаныя беларускай мове, з гонарам прадстаўлялі ўдзельнікаў свята.

А ўдзельнікаў было шмат: гэта вучні, якія знаёмілі прысутных з уласнымі вершамі; гэта танцоркі, якія незвычайнымі рухамі сцвярджалі: матчына слова запальвае жаданне танцаваць радасна, весела, бадзёра; гэта спявачкі ў найпрыгажэйшым нацыянальным адзенні, спявачкі, якія душэўна расказвалі пра прыгажосць роднай краіны, пра адметнасць беларускага народа; гэта юныя акцёры, якія інсцэніравалі творы знакамітых беларускіх аўтараў; гэта неабыякавыя юныя грамадзяне, якія дэкламавалі любімыя вершы на роднай мове.

Свята было сапраўдным! Свята было цудоўным!

Настаўніца беларуская мовы і літаратуры
Шендзерава І.С.