«Да родных ніў, да роднай хаты…»

2015-03-30

Каб адчуваць сябе беларусам, быць сапраўдным грамадзянінам сваёй краіны, трэба з маленства ўдыхнуць пах верасу, зачаравацца гукамі роднай мовы.

Адным з накірункаў нашай дзейнасці ў бягучым навучальным годзе з’яўляецца выхаванне нацыянальнай самасвядомасці ў выхаванцаў сродкамі беларускага фальклору.

На свяце «Вячоркі» выхаванцы яслей-садка № 71 г.Магілёва знаёміліся з элементамі народных святаў. У госці да выхаванцаў старэйшых груп завіталі знаёмыя героі фальклору: дзед Васіль і баба Ганна. Весела і дружна дзеці спявалі народныя песні, чыталі вершы на роднай мове, гулялі ў народныя гульні, вадзілі карагоды.

Мы ўпэўнены, што выклікалі радасныя перажыванні ў нашых выхаванцаў, узбагацілі іх новымі ўражаннямі і, тым самым, садзейнічалі выхаванню паважлівых адносін да роднага краю.

Намеснік загадчыка па асноўнай дзейнасці
А.А. Глуздакова