Пакарыцелі сусвету

2015-04-15

Усе людзі жывуць пад адным і тым жа небам. Яго прыгажосць абуджае ў нас высокія і светлыя пачуцці. Чалавека заўсёды прываблівала неба. Нездарма народная мудрасць сцвярджае: «Дзве рэчы здзіўляюць нас больш за ўсё — зоры над галавой і сумленне ўнутры нас».

12 красавіка-Дзень касманаўтыкі. Гэта дата ўсталявана ў азнаменаванне першага палёту чалавека ў космас. Сусветны дзень касманаўтыкі і авіяцыі адзначаецца па рашэнні Міжнароднай авіяцыйнай федэрацыі.

У дзяржаўнай установе «Сярэдняя школа № 35 г. Магілёва» да дня свята была арганізавана выстава «Жыццё на іншых планетах», вырабы якой садзейнічалі знаёмству вучняў з гісторыяй космасу.

Вучні сярэдніх класаў мелі магчымасць паказаць сваю эрудыцыю ў пытаннях авіяцыі і касманаўтыкі, прадставіўшы ўласныя малюнкі і вырабы на гарадскі конкурс «Пакарыцелі сусвету».

Для паралелі 8-х класаў была праведзена віктарына «Што вы ведаеце пра космас?». Яе ўдзельнікі папоўнілі веды аб космасе, ракетах і аб першых касманаўтах. Завяршылася свята прэзентацыямі вучняў старэйшых класаў на тэмы: «Беларускія лётчыкі-касманаўты», «Галактыка». Работы спрыялі знаёмству ўдзельнікаў з гісторыяй асваення космасу, а таксама з’яўленню на Зямлі новай прафесіі- касманаўт.

Цалабёнак С.Я.