Далучаць да народных традыцый

2016-02-04

Ткацтва на Беларусі з’яўляецца адным з самых старажытных і распаўсюджаных відаў беларускага дэкаратыўна-прыкладнога мастацтва. Навучанне ручному ткацтву дазваляе прыцягнуць дзяцей да вытокаў беларускага народнага ткацтва, фарміраваць нацыянальную самасвядомасць, развіваць творчы патэнцыял, фантазію, мастацкі густ кожнага дзіцяці.

У дзяржаўнай установе адукацыі “Яслі-сад № 70 г. Магілёва” аказваецца паслуга звыш базавага кампаненту “Дзіцячае ручное ткацтва”. Пазнаёміцца з гісторыяй узнікнення ткацтва дазваляюць прадметы побыту, сабраныя ў “Беларускай хаце” ўстановы адукацыі. Дзеці з цікавасцю разглядаюць габелены, дываны, ручнікі, абрусы. У выніку ў дзяцей фарміруюцца элементарныя паняцці аб матэрыяле, колеры, кампазіцыі.

Падчас самастойнай работы дзеці выконваюць аплікацыю каляровымі ніткамі, асвойваюць элементарныя прыёмы і тэхнікі пляцення і ткацтва, спосабы ўпрыгожвання габеленаў. Яны з гонарам паказваюць свае работы бацькам і сябрам, з цікавасцю расказваюць пра тое, што даведаліся новага аб творчасці продкаў.

Пушчаенка Ала Міхайлаўна,
выхавальнік