«Упрыгожым кветкамi Зямлю»

2016-04-22

Блакiтныя i ружовыя, жоўтыя i белыя кветкi з’явiлiся на клумбах i рабатках дзiцячага садка № 86 г. Магiлёва.

Супрацоўнiкi i бацькi выхаванцаў прынялi актыўны ўдзел у акцыi «Упрыгожым кветкамi Зямлю», з вялiкiм задавальненнем прынеслi i рассадзiлi на тэрыторыi дашкольнай установы першыя веснавыя кветкi: нарцысы, прымулы, геацынты. У працоўным працэсе прымалi ўдзел i выхаванцы. Самыя маленькiя — назiралi, а старэйшыя працавалi разам з дарослымi: выбiралi адпаведныя для кветак месцы, выкопвалi лункi, палiвалi. Усе ўдзельнiкi акцыi па азеляненні тэрыторыi дзiцячага садка атрымалi вялiкае задавальненне i ад працэсу, i ад яго вынiкаў.

Няхай кветкi цвiтуць, дораць усiм добры настрой i пачуццё замiлавання прыгажосцю роднай зямлi, а мы i далей будзем iмкнуцца выхаваць у дзетак жаданне дапамагаць дарослым, беражлiва адносiцца да прыроды i заўважаць прыгажосць навакольнага асяроддзя.

В.В. Iрванцова,
намеснiк загадчыка па асноўнай дзейнасцi