Родная мова – невычэрпная крыніца…

2025-02-21

21 лютага ва ўсім свеце адзначаюць Міжнародны дзень роднай мовы.
Да гэтай даты на базе бібліятэкі імя М. Ю. Лермантава наладжана пасяджэнне літаратурнай гасцёўні, на якiм прысутнiчалi наведвальнiкi аддзялення сацыяльнай рэабілітацыі, абілітацыі інвалідаў установы «Цэнтр сацыяльнага абслугоўвання насельніцтва Ленінскага раёна г. Магілёва».

Супрацоўнікі бібліятэкі падрыхтавалі цікавую інтэрактыўную праграму з правядзеннем віктарын, загадак, чытаннем вершаў беларускіх аўтараў і інш.

Усе ўдзельнікі сустрэчы з радасцю і натхненнем выконвалі заданні, бо гэтая дата добрая нагода вымавіць словы любові і павагі да сваёй роднай мовы — беларускай.

Роднае слова — першае, што мы чуем, калі нараджаемся, тое, што мы ўсталёўваем ад сваіх продкаў і тое, што мы павінны беражліва і кранальна несці праз усё сваё жыццё.

Аддзяленне сацыяльнай рэабілітацыі, абілітацыі інвалідаў